पहाता काय लोकांनो जवळ ही, लाभली काशी - राष्ट्रसंत श्री तुकडोजी महाराज भजन

पहाता काय लोकांनो 

जवळ ही, लाभली काशी /

साक्षात गुणराशी

पहाता काय लोकांनो 

जवळ ही, लाभली काशी /

कशाला धावुनी जाता 

उभा हा खास अविनाशी // धृ. //

तिथे पाषाण शोधावा

इथे प्रत्यक्ष ओलावा /

दोन्ही ही पावती भावा

अनुभवा येत सकळासी // १ //

संत हा प्रगट शेगांवी

हजारो लोक गाताती /

चला जाऊ तया शरण

चुके चौऱ्यांशिची फाशी // २ //

कसोटी उतरला भक्ता

गजानन ! संत योगी हा /

लाभला किर्तीचा साचा

सांगती दास आणि दासी // ३ //

समाधी भासतो जागा

दिसे जागेपणी विरला /

म्हणे तुकड्या धरा ग्यानी

दिसे साक्षात गुणराशी // ४ //