मना भासे गजानन ! हा खरा अवतार देवाचा - राष्ट्रसंत श्री तुकडोजी महाराज भजन

 देवाचा अवतार

मना भासे गजानन! हा

खरा अवतार देवाचा  /

कराया कार्य जनतेचे 

प्रगटला मानवी साचा // धृ. //

कुठे श्रीकृष्ण! होऊनी 

कुठे श्रीराम होऊनी /

कुठे नरसिंह! होऊनी

प्रगटतो नाथ प्रेमाचा // १ //

कुठे ज्ञानेश गुरु ! झाला

कुठे तुकया! म्हणो आला /

कुठे शेगांवी अवतरला 

असा अवतार क्रम त्याचा //२ //

कुठे तो विश्वची नटला

कुठे सौंदर्यवत्‌ झाला /

तयाची अगम्य ही लीला

कथाया खुंटते वाचा // ३ //

म्हणे तुकड्या प्रभू भक्ता

न भासे भेदची पहाता /

तयाची सर्वची सत्ता

हरी नटला गमे साचा // ४ //