सदगुरुनाथ गजानन ! ध्याता हरपे मन कामना

सदगुरु दर्शन

सदगुरुनाथ  गजानन ! ध्याता 

हरपे मन कामना /

अनुभवे कळती सकळा जना // धृ. //

निसंग वृत्ती,प्रबळ प्रदिप्ती,

रंग सावळा भला /

नाथ शेगांवी प्रगट जाहला //

किती सांगु गुण सद्‌गुण त्यांचे

न कळे कळणी भला /

स्मरण हे करिता तारिल मला //

अपार किर्ती जगी जयाची 

चमत्कार निर्भडि /

अनुभव येती पुढच्या पुढे //

( अंतरा )

राहती नग्न निर्भयचि वरी पाहता /

करी चिलीम काम क्रोध ही दिसे तत्वता

वरी ज्वाला आत्मज्योतही चमकते सदा /

पंचविषय हा गांजा ओढीत 

राही ब्रम्ह - भुवना /

अनुभवे कळती सकळा जना // १ //

आठवता ते नाम तयाचे 

संशय सारा पळे /

चित्त अंतरंग वळणी वळे /

निराधार राहणी जयाची 

ऊर्ध्वदृष्टि आढळे /

नखशिखी आत्मरंग झळझळे /

आत्मज्ञानी खरे सद्‌गुरु 

अंतर-वृत्तीही कळे /

ओळखी घेती जन विरळे /

( अंतरा )

नच कधी कार्य साधता पाहीले कुणी /

नच कधी बहिरंगता पाहिले कुणी /

नच कधी कुणा बोलता पाहिले कुणी /

लहर प्रसंगी शब्द काढता

अमोल वाटे मना /

अनुभवे कळती सकळा जना // २ //

मानपान नच कांही ठेविला

राही विरळेपणी /

विरक्ती वाढे सकला जनी /

सिद्ध बोलणे कधी चुकेना

अक्षय वेदी धुनी /

न मागे हाती छदामी कणी //

( अंतरा )

दर्शना लोक-दाटणी आली पहाता /

सद्वृत्ती अधिक पाहूनी चढे स्नेहता /

दे प्रसाद, होई धन्य जगी राहता /

विरळ्यावरी कर कृपा ही /

तुकड्या म्हणे देई सद्‌गुणा /

अनुभवे कळती सकळा जना  // ३ //