हनुमंतरायाची आरती

जय देवा हनुमंता जय अंजनीसुता

ॐ नमो देवदेवा रामरायाच्या दूता

आरती ओवाळीन 

ब्रम्हचारी पवित्रा || धृ.||

वानररुपधारी ज्याची अंजनी माता

हिंडता वनांतरी भेटी झाली रघुनाथा

धन्य तो राम्बक्त 

ज्याने मांडीली कथा ||१||

सितेच्या शोधासाठी रामे दिधली आज्ञा

उल्लंघुनी समुद्रतीर गेला लंकेच्या भुवना

शोधुनी अशोकवना 

मुद्रा टाकीली खुणा ||२||

सितेशी दंडवत दोन्ही कर जोडुन

वन हे विध्वंसिले मारिला अखया दारुण

परतोनी लंकेवरी 

तव केले दहन ||३||

निजबळे इंद्रजीत होम करी आपण

तोही त्वा विध्वंशिला लघुशंका करुन

देखोनी पळताती 

महाभूते दारुण ||४||

राम हो लक्ष्मण जरी पाताळी नेले

तयांच्या शुद्धीसाठी जळी प्रवेश केले

अहिरावण महीरावण 

क्षणामाजी मर्दिले ||५||

देऊनी भुभु:कार नरलोक आटीले

दिनानाथ माहेरा त्वां स्वामिसी सोडविले

घेऊनी स्वामी खांदी 

अयोध्येसी आणिले ||६||